شاليهات الرياض

شاليهات الرياض كثيرة، وفي هذا الموضوع جمعت افضل شاليهات الرياض مع عناوينها، والأهم ايش أكثر شيء يميز كل شاليه بنظري. و وضعت ارقام تلفونات الشاليهات، للي يبي يستفسر أكثر منهم أو يحجز.

افضل شاليهات الرياض


شاليهات اليمامة بالرياض

مسبح شاليهات اليمامة بالرياض

شاليهات اليمامة من افضل شاليهات الرياض، يميزها ان أغلب شاليهاتها فيها مسبح خاص بخصوصية تامة، وكذلك فيها مسبح كبير بأمواج. ولمن اراد تفاصيل أكثر، كتبت موضوع كامل بكل التفاصيل عن شاليهات اليمامة بالرياض.

عنوان شاليهات اليمامة بالرياض: على طريق الخرج بين مخرج 10 ومخرج 11 (35 كم تقريباً عن مدينة الرياض).

رقم تلفون شاليهات اليمامة: 014151973


شاليهات قرية الثمامة

قرية الثلج في شاليهات قرية الثمامة في الرياض

أكثر ما يميز شاليهات قرية الثمامة وجود عالم الثلج، وهذا اكيد بيكون متعة كبيرة للصغار، وكذلك هو مقسم أوقات للنساء وأوقات للرجال، يعني بإمكان البنات كذلك الاستمتاع بأوقاتهم فيه. ومن الأشياء الحلوة في اوقات الاجازات في شاليهات قرية الثمامة وجود أنشطة ومسابقات وأحياناً قناة المجد يجون ويسوون مسابقات ممتعة للكبار والصغار.

يعني أظن شاليهات قرية الثمامة مناسبة أكثر للي معه أطفال، وليس للي جاي يروق :-) (يرتاح ويسترخي باللغة العربية الفصحى ههه)

عنوان شاليهات قرية الثمامة في الرياض: على طريق الثمامة الجنادرية وتبعد خمسة كم من مخرج الدائري الشرقي طريق المطار وخمس عشرة دقيقة من مدينة الرياض

رقم تلفون شاليهات قرية الثمامة بالرياض: 012606667


شاليهات كلوسترز بالرياض

شاليهات كلوسترز بالرياض

من افخم شاليهات الرياض. أكثر شيء يميز شاليهات كلوسترز بالرياض فخامتها ونظافتها (يعني هنا الترويق). مع اني لم أذهب شخصياً للشاليهات، لكن لم أسمع أو أقرأ على النت شخص يذم فخامتها أو نظافتها، الكل يمدح. وهذا الشيء (أقصد عدم وجود من يذم) صعب وجوده حتى في الفنادق الفخمة.

الشاليهات نفسها بأحجام مختلفة، لكن أغلبها يحتوي على مسبح خاص، شلالات صناعية، حديقة خضراء، مكان مخصص للشواء، بيت شعر، صالة فخمة وشاشة بلازما، وغرفة نوم، وحمامات.

عنوان شاليهات كلوسترز بالرياض: حي قرطبة، مخرج 8 شرقاً بإتجاه طريق الدمام السريع

رقم تلفون شاليهات كلوسترز: 0567110000


شاليهات فانتزي لاند بالرياض:

تحتوي شاليهات فانتزي لاند بالرياض على شاليهات بأحجام مختلفة (بعضها مع مسبح خاص). تعتبر الشاليهات من شاليهات الرياض المناسبة جداً للعوائل ولمن لديه أطفال، لأن الأنشطة فيها كثيرة جداً. منها الالعاب المائية في البحيرة و الالعاب الكهربائية للاطفال، والخيول والدبابات. وكذلك أحياناً في الإجازات يقومون بعروض دولفين وأسد البحر وكذلك يحضرون حديقة حيوانات صغيرة متنقلة (فيها حيوانات مفترسة).

عنوان شاليهات فانتزي لاند بالرياض: طريق الثمامة، الرياض

رقم تلفون شاليهات فانتزي لاند: 012610000

وطبعاً اللي يبي يحجز في أي واحد من شاليهات الرياض، لازم يتأكد بالتلفون ان الأشياء اللي رايح عشانها موجودة. يعني ماهي حلوة انك تروح علشان الأولاد يبون قرية الثلج ولمن توصل هناك تحصلها “مغلقة للصيانة” بتروح عليك من أولادك ههه (مجرد مثال، ما صارت لي).

أتمنى اني أكون أفدت كل من ناوي يزور شاليهات الرياض بهذ الموضوع.

Comments

  1. واو احنا ان شاء الله بكره بنروح كلوسترز

Leave a Reply


خدمة تمكنك من الحصول على أرخص سعر لفندقك المفضل في السعودية!

القائمة البريدية

تسجيل الدخول